ფერმერთა მომსახურების ცენტრი შპს „სასოფლო საკონსულტაციო სამსახური" 2008 წელს შეიქმნა. გვაქვს ფილიალები ახალციხეში, ასპინძაში, ადიგენსა და ახალქალაქში. ჩვენ ვთანამშრომლობთ წარმოების საშუალებების უცხოურ და ადგილობრივ მომწოდებლებთან, რათა ფერმერებს მივაწოდოთ ხარისხიანი სათესლე მასალები, სასუქები, მცენარეთა დაცვის საშუალებები, ვეტერინარულ პრეპარატები, სასოფლო- სამეურნეო ინვენტარი. სერვისცენტრს ყავს გამოცდილი აგრონომები და ვეტერინარები, რომლებიც კლიენტებს სთავაზობენ კონსულტაციასა და ტრენინგებს სოფლის მეურნეობის სხვადასხვა საკითხებზე. აგრეთვე, მოქმედებს ცხელი ხაზი, რომელიც მომხმარებლებს საშუალებას აძლევს მაღაზიაში მიუსვლელად მიიღონ სატელეფონო კონსულტაცია.

2014 წლიდან, ცენტრს განვითარებაში ხელს უწყობს USAID/REAP-ის პროექტი, რომლის დახმარებით ახალციხეში ავაშენეთ ახალი ფერმერთა მომსახურების ცენტრი და მოვაწყვეთ ტექნოპარკი, რომლის საშუალებითაც ადგილობრივ ფერმერებს ვთავაზობთ სხვადასხვა სამანქანო მომსახურებას. აგრეთვე, შევიძინეთ მეტეოსადგური, რათა დროულად მოხდეს ხილისა და ბოსტნეულის მოსალოდნელი დაავადებების პროგნოზირება და ფერმერების ინფორმირება სმს-ის მეშვეობით მათი გავრცელების რისკის, არეალისა და პრევენციული ღონისძიებების გატარების შესახებ.